موضوع يجب قراءته من قبل الجميع

الحقيقة النهاردة حابب اناقشكم فى موضوع غريب وجايز تقولوا عليا مجنون بس
هتعرفوا معناه لما تقروه انا عايز اقولكم ان احنا لازم نغير من الروتين اليومى بتاعنا
او العادات اللى احنا اعتدنا نعملها مع ان لو غيرنا هيكون افضل يعنى مثلا عمرك جربت تقشر البرتقال بالمعلقة
انا عارف ان كل واحد فيكم دلوقتى بيقول ايه المجنون دة بس حقيقى هى ممكن تكون
صعبة فى الاول لكنها بعد كدة هتكون سهلة وبكدة نكون قضينا على الروتين وفى نفس الوقت عملنا
حاجة معتمدة على تفكيرنا والمحاولة طيب حاجة تانية مثلا عمرك فكرت تقضى على عادة انك تفضل مكشر طول الوقت
وعمرك فكرت انك تفضل مبتسم طول الوقت الابتسامة حتى مش الضحكة صدقونى فوايدها كتييييييير اوى
على صحتك وعلى نفسيتك وبالمناسبة طالما احنا بنتكلم على الروتين واحنا فى منتدى ايه رايكم نغير من
طريقتنا فى الرد على المواضيع يعنى مثلا بدل ماتقول شكرا وموضوع رائع وتسلم وننتظر المزيد
والردود التقليدية دى قول رايك فى الموضوع فى صورة تعليق قول الحاجة اللى عاجباك والحاجة اللى مدايقاك
خلى يبقى فيه مناقشة وتحاور بين جميع الاعضاء صحيح احنا عددنا قليل ولسة المتدى بيقول يا هادى بس
ان شاء الله المنتدى يكبر ويبقى فى نقاش على نطاق اكبر
اتمنى ان الموضوع يعجبكم واتمنى تقولوا ارائكم وتبعدوا عن الطرق التقليدية فى الرد
مع تحيات اخوكم:حمبوزو

الموضوع جامد يا حمبوزو خصوصا انى اعتقد ان كلنا محتاجين نغير الروتين اليومي

صح يا نسرين معاكى حق والله احنا محتاجين فعلا نغير الروتين وشكرا لمرورك